تزوجت دون علمي

خلاص خلاص كفايه والنبي ابوس رجلك انا تعبت مش قادر كفايه خلاص انا هعملك اللي تعوزيه خلاص...يارب يارب أنا هرجعلك بس خلاص ندمان وتعبان...ارحمني يارب...
دي مش بدايه القصه دي النهايه ياتري عاوز تعرف اي اللي حصل وليه ابدأ اقرا قصتي اللي هسردهالك في السطور الجايه....
النهارده كالعاده قايم جسمي مكسر مليون حته ومش فيا أي طاقه لدرجه إني مكنش فيا حيل افتح عيني بس بعد محاولات عديده أخيرا قدرت افتحهم وقومت...قايم شبه عاري تقريبا مش لابس إلا الداخلي تقريبا عادي زي أي شاب...تاني ياوائل قايم عريات يابتي ارحمني أنت عندك أخت بتت ازاي تخليها تشوفك كدا أنا تعبت اي الخلفه دي ياربي...طبعا أمي الغاليه بصيتلها وأنا بهز راسي ودخلت الحمام خدت شاور حبو كدا وخرجت...
وائل..
أيوه ياماما..
مش تنسي تصلي الضهر يابني...
ربنا يسهل ياماما..
يابني ريح امك وصلي..
ماشي ياماما..
أنا نفسي أعرف اي شقلب حالك كدا ده الكل كان بيحسدني إني عندي ابن عارف ربنا دلوقتي الصلاه بتصلي فرض وتسيب عشره...ربنا يهديك ويصلح حالك المايل...
سيبتها وروحت اوضتي نفس الاسطوانه بتاعه كل يوم حضرت نفسي وقعدت أفطر ونزلا الشغل اللي مش طايق أروحوا أصلا...
تعالوا أعرفكم بنفسي..
أنا وائل ٢٨ سنه عازب انا مواصفات شكلي فأنا شعري تقيل وإسود عيوني لونها رصاصي مناخيري متوسطه لا هي كبيره ولا هي صغيره بؤي كبير نوعا ما شخص شيك جدا بشهاده الكل جسمي رياضي شخص كسول او بالاحري بقيت ظسول بعد ماكنت شعله نشاط زي ماامي بتقول عندي أخت بنت إسمها أمل عندها ٢ج سنه عروسه وعلي وش جواز ان شاء الله خطيبها انسان محترم اسمه عمرو كان صاحبي زمان أبويا متوفي وعايش مع الغاليه امي واختي نرجع بقي لموضوعنا...
روحت الشغل لمديري اللي مش وراه إلا تهزيئى عشام بعمل شغلي بالعافيه ونفس اسطوانه امي انت يابني مكنتش كدا زمان انت كنت شعله شغل لو مش عامل حساب لأبوك الله يرحمه كنت رفدتك..
الكل طبعا مستغرب اي غيرني بالشكل ده والله أنا شخصيا معرفش هو أنا بدأت واحده واحده اتغير لحد ماوصلت لما أنا عليه المهم...رجعت البيت كان وقت العشا تقريبا..
وائل...وحشتني اوي..
وانتي اكتر ياست البنات..لابسه وراحه علي فين كدا..
رايحين لستك نقعد عندها كام يوم لأنها تعبانه هتيجي...
لا ياامي أنا مبحبش أروح هناك مش ناقص أتخانق مع حد من خيلاني تاني ابقي سلميلي عليها..(الفرق بينا وبين بيت جدتي هو اربع بيوت تقريبا مش مسافه)..
ربنا يهديك يلا ياأمل...هتلاقي الأكل جوه اللي يتبقي ابقي حطه في التلاجه مش عاووه ارجع البيت الاقي المطبخ كله حشرات...
سلام ياوائل حلي بالك من نفسك والنبي...
بوست راسها وبوست ايدي امي..سامحيني بس قدري إني مش عاوز اتخانق مع حد أنا عارف تفسي..
ربنا يهديك يابني ويصلح حالك..
نزلوا واتصلت بمازن صاحبي..
ايوه يلا تعالي بات عندي النهارده ايوه البيت فاضي انت غبي يلا..
ده انا عندي ليك حبه حاجات إنما اي هتبقي سهره عسل..عندك أكل أهم حاجه....
اه ياطفس بس انجو بس وتعالي الواد مهما ياكل مبيبانش عليه....وقفلت معاه وحسيت بحركه غريبه في المطبخ...
ده اي الحرامي البجح ده هو مش عارف إني في البيت طب أنا هعرفوا شغله دخلت المطبخ ملقتش حاجه قفلت النور وخرجت سمعت نفس الصوت اتكرر تاني يادي النيله..خرجت وطنشت المشكله إن أصلا ده مش صوت حرامي ده صوت كعب حريني ماعلينا الصوت مع الوقت سكت وأنا قاعد النور فضل يطفي ويقيد يطفي ويقيد يادي الليله اللي مش باينلها ملامح دي الجرس رن والنور ثبت أخيرا فتحت الباب..
اي ياعم كل ده ده أنا كنت هخلل وانا واقف..
ياعم تخلل اي ادخل أنت هتفضل زي مانت بتاع تبالي اي اللي في ايدك ده..
لا مش زياره متخافش..
انجز ياغلس..
ياعم كام سجاره حشيش من اللي بنحبه علي حته كتاب رعب الكل بيحلف بيت لاقيت كام صفحه منه علي النت طبعتهم وجبتهم نتسلي..بس هو فين الاكل ياعن انا جعان..
هدخل اغرفلك واغرفلي..جهز انت الظنيا مش محتاج اقولك البيت بيتك عقبال مااجي...
اهو ياسطا الاكل..
بص سييك النهارده من الحشيش خليه بعد مانشوف حوار الكتاب ده ...
اشمعني يعني ياسطا..
اصل ده محتاج الواحد بكون فايق ومش تقلق هنشرب بعد مانخلص مانت عارف بحب اقرا عن الجن اكتر من الحشيش اصل بيقولوا بتاع تحضير في اللحظه ديجه صوت تكسير جاي من المطبخ...
في اي ياعم..
متبقاش جبان كدا نلاقي طبق ولا حاجه ياعم مازن مش بتقولي بحب اقرا عن الجن اكتر مو شرب الحشيش هقوم اشوف اي وقع واجي تاني...
في اللحظه دي اتصدمت مفيش اي حاجه في المطبخ اتحركت من مكانها !! للحظات قولت ممكن بيتهيألي عشان متعود علي وجود أهلي في البيا لكن افتكرت إن مازن سمع الصوت زيي طب ازاي قلبت المطبخ فوقاني تحتاني مفيش أثر لأي كسر او حاجه واقعه خرجت وطفيت النور لحظه ماضغط الكبس نور الشقه كله قطع...
استغفر الله ياربي علي النحس هي ليله حد باصص فيها انا عارف...يامازن..انت يازفت...
مش بيرد ليه الحيوان ده..حسيت برعشه في جسمي كأن في ريح هبت فجأه..اي ده الجو برد كدا ليه لسه يتحرك اتجمد في مكاني ومش قادر اتحرك حاولت انطق مش قادر اقول ولا حرف... نور بتهت اوي مش عارف جاي منين احساس بالبروده وفجاه ايد مشعرهومتلجه مسكت رجلي من مسكتها دي ايد واحده ست انا غضلت واقف متجمد ومرعوب ابص لتحت واخر جاجه سمعتها صوت انثوي بيقول انت بتاعي...
قوم ياوائل...يادي النيله انا ناقص قوم يخربيتك هتودي امي في داهيه ويقولوا قتلتلك..
فتحت عيني لاقيت مازن بيخبطني علي وشي...اي ده في اي...
في اي انا فجاه سمعت حاجه اترزعت في الارض قومت اشوف في اي للقيتك مرنس قي الارض بتترعش وجسمك متلج خوفت لتكون مت ويبلوني بيك...
وائل في نفسه....يعني كل ده كابوس طب انا وقعت ازاي وامتي...
ياعم الكتكوت سؤحان في اي قوم انا جعان...
طيب ياعم قايم يحرقك انت ومعدتك دي...
مازن وهو بيشيل غطا الحله من الارض...طيب ياسيدي شكرا..هو ده اللي فزعني والله انا خوفت..
وائل سرحان برضوا ومش مستوعب..
الله ريحه الاكل تخبل لا امك بتعرف تطبخ لا وعامله ورق عنب من اللي قلبي بيحبه الحق ده في فراخ مجمره في الفرن ده انا هاكل لحد مااتخن ههههههه... ياعم فوق وارحمني هو اي اللي مخليك تسرح كدا...
فاق وائل من سرحانه بعد مااقنع نفسه انه كابوس وهو وقع من طوله عشان مااكلش طبيعي داخ ووقع...تتخن ده انت او كلتني مش هتتخن ..مش في يلا انا هحطلنا اكل روح جهزلنا فيلن حلو نتفرج عليه...
انت لسه فيك نفس العاده دي مش بتاكل الا وانت بتتفرج....
يلا بقي ياعم بلاش لكاعه....
راح مازن وشغل فيلم the nun كان نازل مش بقاله كتير...
وتنا جبت الاكل و قعدنا نتفرح واحنا بناك.وخلصنا وقومت غسلت ايدي وجهزنا الدنيا عشان نبدا تشوف الورق اللي بيقول عليه وطول الفيلم كنت حاسس الاضاءه بتتغير شويه تقل وشويه تزيد وخيالات تجري هنا وهناك بس مش ايديت اهتمام...
اول مامسكت الورق جسمي كله قشعر وتلج...وكلمه امت بتاعي بتتردد في دماغي كأني بكلم نفسي ....
بظات أنا ومازن ننفذ الحاجات المكتوبه واللي هي نكفي جميع الأنوار ونشغل هي مجرد شمعه بس ونخبط تلت خبطات متتاليه علي بابا الشقه ونكتب علي ورقه شويه أرقان مع حروف بترتيب معين ونبلها في مايه ونشربها ونجيب ورقه تانيه نكتب عليها رقم من اختيارنا اختارنا رقم ٥ ونحطه تحت الشمعه وبعدين تقرا اللي هقرا عليكم دلوقتي ده...
أنا ابن أدم أتيكن بنفسي لأحدثكم و...كلمه مش تاضحه...إلي ملوك الأرض السبع..أريد أشدكم
العجل...العجل..الساعه...الساعه
العجل...العجل..الساعه...الساعه
باسم نقراش ابن طمائيل حارس رقم ٥ (الرقم اللي اخترناه)..باسم الملوك السبع العظام...
العجل...العجل..الساعه...الساعه
العجل...العجل..الساعه...الساعه
باسم حارس الأرقام والحروف من ١ إلي ٩ ومن الألف إلي الياء..
اقسم عليك بعزه ابليس بعزه عزيز اللخ ان تحضر الأن...
العجل...العجل..الساعه...الساعه
العجل...العجل..الساعه...الساعه
اذا حصر أحد الخدام فليعيطينا إشاره الآن...وانطفت الشمعه من تلقاء نفسها...
الدنيا كحل...مازن يامازن إنت روحت فين يابني مش لسه كنت جنبي...
لاقيته وشه بان كأن حد مسلط عليه ضوء كشاف من تحت وبيبص بصه مخيفه...
حسيت بلمسات في اماكن متفرقه ونفس الصوت الانثوي أنت بتاعي...وفجاه حسيت بلمسه في مكان غريب...
ياعم مازن بلاش الهزار ده وشغل الشواذ ده مبحبوش عشن مش ازعلك..انجز هات الزفت الولاعه...
سمعت صوت صرخه بنت قويه وقعت قلبي في رجلي...أنا مش نازن مازن مشي أنا مارسيليا.....
نور الشقه كله اشتغل لوحده مع صرختها...مركزتش الصراحه إن احنا كنا طافينه من الرعب اللي كنت فيه وكان كل اللي في بالي اشوف مازن الحيوان والهبل اللي كان بيعملوا...
فضلت أدور عليه في الشقه لحد مالاقيته في أوضه أختي علي الارض قربت منه وأنا نار الغيره وكلاني وفي نفس الوقت مستحلفله...
اول مادخلت حسيت بقبضه في قلبي كأن حد ماسكه بايظه وضاغط عليه بيعصره مع إني دايما بدخلها بس مش اظيت اهتمام من ضيقي...ولسه بقرب وبقولوا بعصبيه أنت اي اللي جابك هنا وحطيت ايدي علي كتفه واول مابصلس لسه ببص علي ملامحه لاقيت مازن...مازن...كان..كان مرعب حرفيا أنا خوفت أوي عيونه بيضا بالكامل مفيهاش نقطه سواد والفك التحتي مفتوح وبيتهز كأنه مكسور وبينزل منه سائل اسود مقزز وبيطلع منه صوت غريب وبيجر في ايده في الارض كأن زومبي ووراه بنت واقفه شعرها اسود سواد الليل وطويل جدا وهي اصلا طويله بشرتها بيضا لدرجه انها بتنور ولابسه حاجه زس عبايه بيضا كدا وواقفه وراه ايديها الاتنين علي اكتافه مش شايف ملامح من شعرها اللي مداري علي وشها وفحاه لاقيت مازن قام يجري عليا ونط فوقي وبدا يجرح فيا بحوافره كأنه بتاكلني وبدا يخنقني وهو بيقول انت بتاعي ومحستش بنفسي الا...
يابني في اي انت كل شويه هيغمي عليك انت لحقت...
انا اول ماصحيت وشوفته قومت احري من الرعب بعيد عنه..
ابعد عني يامازن...ابعد عني احسنلك..
في اي يابني اي اللي حصل أنا عملت اي...
عملت اي مش عارف عملت اي أنا مش عاوز اعبفك تاني وبعدين انت رجعت بني ادم تاني ازاي!!
عملت اي ورجعت بني ادم تاني!! ليه حد قالك اني قلبت كلب انت اهبل ياائل لا انت مجنون انت بتقول اي...
مش عارف انا مش عارف...
طب اهدي تعالي واحكيلي اي اللي شوفته وهحكيلك اي اللي حصل...
لا احكي انت و من بعيد مش تقرب مش تقرب مني مش ليك دعوه بيا...
للدرجادي عموما تسلم ياصاحبي انا هحكيلك وهمشي من هنا مش هوريك وشي تاني....
انت بعد ماقولت اخر جمله (إذا حضر أحد الخدام فليعطينا إشاره) لاقيت الشمعه انكفت وانت وقعت من طولك قومت بسرعه حاولت ادور علي الكبس بتاع النور وبالعافيه لاقيته وشغلت أنوار الشقه كلها ورجعتلك تانب لاقيتك عيونك كلها بيضه مفيهاش ذره سواد انا اترعبت فضلت انادي عليك يمكن تفوق مش بترد وقومت تمشي زي المنوم مغناطيسي رايح علي الاوضه اللي هناك...بيشاور علي اوضه امل..فضلت واقف فتره وبعدين طلعت تحري بضهرك ووقعت في الارض وفضلت تجرح نفسك بايديك وانا مش فاهم ولا عارف اتصرف اواي وبحاول افوقك وبعد كل ده انت اللي بتقول ابعد عني ورجعت بني ادم ازاي انا ماشي...
ازاي بس انا هتجنن...ياعالم ازاي..ابوس ايدك ماتزعل مني واقعد معايا انا مبقتش عارف في اي واي اللي بيحصلي..
اهدي حقك عليا انا اللي غلط اني جبت الورق ده وقولت نجرب حاجه مش عارفين ممكن تعمل اي...
انا مش عارف بجد لا في اي...
مش في حاجه اهدي مش تخاف قوم ننام انت اعصابك تعبانه ومحتاج ترتاح....
وائل لمح الخرابيش بتاعه مازن ومش عارف مين الصح يصدق اللي شافه بعينه ولا يصدق اللي مازن حكاه في دماغه ألف سؤال بس كل اللي متاكد منه إن ده مش حلم!!!
أنا أسف إني كلمتك بطريقخ وحشه اعذرني..
لا ياصاحبي عيب عليك احنا اخوات مفيش الكلام ده انا قلقان عليك وعذرك كل اللي مزعلني السجارتين اللي مش شربناهم سوا دول...
مازن كان بيحاول يلطف الجو بس انا مكنتش قادر يادوب ابتسمت ابتسامه بوجع وقومت زي المسلوب ارادته دخلت أنام....ومازن قعد يتفرج علي التليفزيون وهو بيشرب سجاره الحشيش بتاعته...
طول مهو بيشرب شايف خيالات وكل ماياخد نفس الخيال يوضح اكتر واكتر....الله الله ده الحشيش ده حلو اوي اي الحلاوه دي اما اشرب تاني يمكن يبقوا زي الحقيقه هههه..انا قطه لسه صغيوره كير كير كير....لحد مالخيالات وضحت وبقت جسم بنت جميله جدا شعرها اسود سواد الليل وطويل وسايح رموشها طويلع عيون واسعه ملونه مناخير صغيره شفايف صغيره ومنفوخه وبشره بيضا مع عيون ورديه ونغزات في الدقن والخدود وجسم يافع وممشوق القوام شديد الاثاره مع فستان كاشف....
ياخراب ياليلتك الحلوه يا مازن ليلتنا فل وياسمين...
بدات تقرب علي مازن تفكله زراير القميص...لا كدا ياجميل أنا هضعف وانا مش ليا في الحرام اكتر من الحشيش مفيش...بدات تاخد ايده وتحسس بيها علي اماكن متفرقه في جسمها...لا انا كدا مش قادر...فضلت تستدرجه ليها وهو بيتحرك كأنه منوم مغناطيسي لأوضه نوم والده مازن...وائل بسبب شده جمالها وفجاه بدون سابق إنذار بدا يقرب عليها اتجولت لكائن مرعب كله شعر عيون قطط بوء مشقوق بالطول مش بالعرض لسانها زي لسان الأفعي جسم بني ادم لكن مع اختلاف كميه الشعر اللي بتغطيه زي جسم الغوريلا مازن اترعب مسكت رقبته اتشاهد بدات ايديها ترتجف وفي حركه واحده كانت كسرتها ووقع في الارض وعلي رقبته أثار جروح شديده وخرجت وقفلت الباب وبدأت تتجسد في شكل مازن!!!...
وأنا نايم علي حوالي الساعه ٢ الفجر فتحت عنيا حسيت كأن حد مراقبني من غير اي سبب او حتي كابوس وفجاه حسيت كأن جسمي كله اتشل مش قادر اتحرك مش قادر انطق دموعي بتنزل ومش عارف اعمل حاجه....هو ده الجاثوم اللي دايما اقرا عنه في قصص الرعب بس دي اول مره تحصلي ده صعب اوي...وفجاه وبدون اي مقدمات حسيت كأن حد دب سكينهفي ضهري وهوا سخن بدأ يتغلل جسمي عن طريق الفتحه اللي سببتها السكينة ومحستش بأي حاجه بعدها نمت لدرجه اني صحيت تاني يوم العصرومش روحت الشغل...
قومت طلعت الصاله لاقيت التليفويون مفتوح والسجاير في الارض والدنيا مبهدله وريحه تقرف...اه يامازن الكلب أنا أنام وأنت تعك الدنيا  ناقصك أنا...
لاقيت مازن عامل اكل وواقف بيغسل المواعين....لا تنفع ست بيت شاطره بس مكملتش شطارتك ليه ياخويا ونضفت مكان ماشربت..
مازن مش بيرد وده غريب لأن مازن شخص رغاي جدا...هو انت لسه زعلان مني عشان امبارح ياسطا...ولسه بحط ايدي علي كتف مازن لاقيته بصلي وهو شكله مرعب لسانه زي لسان الافعي عيون قطط بؤه مشقوق بالطول مش العرض ووشه كله ازرق كأنه ميت مخنوق وشكله مخيف غضلت أصرخ لحد ماقومت من النوم اصرخ...ياخبر اسود كابوس ده انا حسيت روحي بتتسحب....حسيت بنفس سخن ولسه ببص جنب السرير شوفت مازن بنفس الشكل المخيف ومعاه سكينه وضربني في قلبي بيها قومت اشهق جامد...يارب بقي كابوس تاني انا تعبت...لسه هدعي علي نفسي ان ربنا ياخدني مسكت نفسي ولاقيتني بقول هقابله ازاي ده انا حتي مش بصلي انا اللي عملت في نفسي كدا ودموعي خانتني ونزلت علي خدي نفسي اعرف اي بيحصلي مستعد اعمل اي حاجه بس اعرف اي اللي بيحصل ورجعت راسي علي المخده وبدات اغنض عيوني وفجأه حسيت إني اتكتفت ومش قاطر أنطق هو هو الحاثوم للمره التانيه بس المره دي حسيت بننفس اللمسات الغريبه اللي حسيتها قبل كدا في اماكن مختلفه ومتفرقه وهدومي اللي عليا بدات تتقطع بشكل غريب كأن
في حيوان مفترس أنا مش شايفه بيقطعها بضةافره مع جروح في بطني وصدري مؤلمه جدا ولكني مش قادر أصرخ كأن لساني اتشل ونفس اللي حصل المره اللي فاتت السكينه اللي اتدبت في ضهري والهوا السخن اللي بيتغلل جوه جسمي بس المره دي مش اغمي عليا!!
لاقيت نفسي في مكان غريب ولكنه مألوف ولما بدأت اركز لقيت إن ده بيتي!!!
ده بيتي ولكنه شكله مهجور والتراب مغطي المكان ولونه باهت ومليان طاقه سلبيه ومش فيه روح وفي كائنات غريبه في المكان مخيفين شكلهم مرعب اللي لونه ازرق واللي لونه رمادي واللي ودانه كبيره واللي بعين واحده واللي ضوافره طويله واللي عنده حةافر ورجول زي الغنم واللي بؤهم مشقوق بالطول مش بالعرض واللي عيونه زي عيون القطط واللي عيونه بيضا مفيهاش نقطه سودا وغيروا وغيروا ولكن كل مايمروا وحد يشوفني يبصلي بصه مرعبه اكتر من شكله نفسه  ويجري او يحاول يخوفني واللي يبص بقرف واللي يبص باستغراب واللي يتمتم بكلام مش مفهوم جريت علي اوضتي وانا مرعوب وشةفت بنت في قمه الجمال واقفه في وسط اوضتي بفستان كاشف وجسم مثير وبدات تقرب عليا ساعتها جريت عليها قولتلها بتعملي اي هنا ومين دول....
اي ياحبيبي سلامه عقلك مين دول اي مفيش حد غريب هو انا وانت وبعدين اخص عليك ده انا مستنياك من بدري دي مقابله تقابلني بيها....
وقربت عليا وحضنتني جامد وكان جسمها سخن اوي كأنه نار قايده غير إني مش لابس تيشرت...
زقتها بعيد عني وانا بقولها انتي مين ومستنياني ليه....
غضلت تعيط وتقولي أنا مراتك حبيبتك سيلينا انت رجعلك المرض تاني......
مراتي اي انا مش متجوز و مرض اي...
فضلت تعيك وصعبت عليا...طب اهدي وتعالي نقعد واحكيلي...بصراحه مكنتش قادر اشيل عيني من علي جسمها وهي كانت ملاحظه ده وحسبتها بتتكلم بدلع وبدات تهدي وتقولي...
أنا بحبك من زمان من حوالي تلت سنين بس انت كنت بتحب واحده تانيه الست سهر بتاعتك ولما سابتك تعبت وبقي بيتهيألك حاجات ومش بتفرق بين الحقيقه والخيال وتعور نفسك وتقطع هدومك وانت نايم....
وائل في نفسه...انا فعلا كنت بحب بنت اسمها سهر زمان وسابتني اول مالقت واحد احسن مني ماديا ومانت سبب دماري نفسيا  بس انا عمري ماحكيت لحد حاجه زي دي هي عرفت منين...
اه كملي..
فأهلك لما عرفوا إني بحبك جوزوني ليك عشان عارفين اني هتحملك وشافوا إني ممكن اقدر اعالجك وفعلا انت بدات تتحسن بس انت رجعت تاني حالتك تسوء وبدات تعيط....
بدأت احضنها وكذبت نفسي وصدقتها واطبطب عليها وانا مش فاهم ولا عارف اي الحقيقه...انا اسف مش كنت اعرف مش تزعلي مني ياحبيبتي خلاص...
بس برضوا انا ازاي مش فاكر يعني اي مش فاهم هو انا اتجوزت بدون علمي!!!
وهي حراره جسمها عماله تعلي اكتر واكتر لحد مالاقيتها بتحاول تقرب عليا بطريقه مش هعرف اوصفها لكن انا فهمت هي عاوزه اي وانا محبتش ده ومش كنت مرتاح انا يمكن فيا عيوب الدنيا بس الا الكبائر بدات ابعدها عني لاقيت ملامحها اتبدلت شكلها مخيف عيون مشقوقه شبه عيون القطط جسم كله شعر زي الغوريلا بؤها فتحتوا بالطول مش بالعرض لسانها زي لسان الأفعي جسم بني ادم لكن مع اختلاف اللي بتغطيه وبصوت أحش....أنت عنيد طدا ليه خلاص انت بقيت بتاعي وهتستجيبلي بمزاجك أو غصب عنك عشان أنت وصاحبك المغفل فتحتولي البوابه واستدعتوني كنت من زمان وانا نفسي ادخل بيتك بس أمك اللي دايما تقرا قران وتصلي وتشغل بخور ومكنتش لاقيه طريقه اوصلك بيها بس خلاص انت بتاعي وهتفضل في عالمي للابد مش هترجع تاني حاولت الفت نظرك كتير لكن كنت بتطنش ومش تشغل تفكيرك وانا كنت بغلي وافور لحد ماظهرت لصاحبك التعويذه اللي تخليني اقدر ادخل العالم بتاعكم وبالتحديد بيتك وقتلته ايوه قتلته عشان ميكونش عائق اني اوصلك وبدأت تضحك ضحك هستيري وهي بتركز عيونها في عيوني ونفسها اللي حسيته بيحرق وشي هي بتقول...لو مستجبتش هخليك تتمني الموت ومش هديهولك!!!
رمتني علي السرير وحسيت اني متكتف مش قادر اتحرك بس المره دي كانت هي قدامي وهي بتتحول لشملها الجميل وطلعت فوقي وقطعتلي الباقي من هدومي لحد مابقيت عاري تماما وتقطع في جسمي بضوافرها وتقولي هتستجيب بالطريقه السهله ولا نخليها بالطريقه الصعبه وهي بينزل من بؤها سائل اسود مقزز علي بطني المجروحه وانا بتألم ومش قادر اتحرك ولا انطق وهي بتمشي بلساها المخيف علي جسمي وانا دموعي هي اللي بتتكلم لاقيتها قامت من فوقي حسيت اني بدات اتحرر وقدرت اتكلم...
خلاص والنبي ابوس رجلك انا تعبت مش قادر كفايه خلاص ...
شكلك وافقت...
هعمل اي حاجه كل اللي تعوزيه بس سيبيني في حالي...
انت ملكي وبتاعي خلاص...مش هسيبك....هههههههههه
 رجعت تغتصب جسمي وانا بتألم مفيش حته في جسمي سليمه...
يارب يارب انا هرجعلك بس خلاص تعبت وندمان...ارحمني يارب...
في اللحظه دي لاقيتها بتصرخ وتتألم وتقولي متذكروش اخرس لأقتلك متذكروش...
ساعتها قدرت انطق واقول آيه الكرسي...
وهي تصرخ وتتلوي لحد مابدات تتحرق قدام عنيا استمريت في قرايه القرآن تحديدا سوره البقره نسيت اقولكم مانا كنت زمان حافظ القرآن كامل...
لحد مالاقيتها ساحت واخر كلمه هقابلك عند العتبه الجديده وكل حاجه بدات تتلاشي ورجعت اوضتي تاني فوق سريري بس كنت عاري بدون اي ملابس والجروح ماليه جسمي واثار اغتصابها لجسمي موجوده ساعتها أدركت إن الله حق وافتكرت لذه الإيمان وايام ماكنت مرتاح البال ندمت ومحستش بنفسي الا ووانا ساجد في الارض وانا عريان وبعيط وبقول يارب سامحني انا قصرت في حقك انا استاهل كل اللي بيحصلي بس يارب سامحني مليش غيرك وفضلت اعيط بحرقه...
حسيت بايد بتطبطب عليا!!!
تمالكت نفسي وقومت من الارض لاقيته مازن قدامي وبيعيط وبيقولي انا اسف انا السبب ورقبته مجروحه جرح شديد كانه مدبوح ولكنه جرح سطحي وحضني وهو بيطبطب عليا...
وانا بعيط ازاي انت ميت ازاي...يارب بقي....
اهدي بس مش تخاف مش ميت اسمعني..
بدأ يحكيله انها غاوته وحكيتله علي خططها ولما رفض حاولت تكسر رقبته بس في ذكر الله في اخر لحظه فايديها ارتعشت جرحته ورمته في الارض علي إنها قتلتله وهي كل اللي عملته إنها جرحته جرح خلاه يغيب عن الوعي مش عارف اد اي المده وفاق من حوالي ساعه ونص بدا يدور عليا في الشقه كلها مش لاقاني...
انا كنت هحذرك والله بس انا شكلي اتاخرت اوي...قوم تعالي معايا..
بدا يقومني ويغسل جروحي ويطهرها وجابلي لبس بدا يلبسهولي كأني ابنه...
انت ليه مش سبتني ومشيت اول مافوقت يامازن...
كنت حاسس انك هتسالني السؤال ده بس انت اخويا ياوائل وحسيت اني السبب وكنت هفضل عايش بوجع الضمير لو حصلك حاجه وقولت هي موته ولا اكتر فيها اي لما اعمل حاجه صح لمره في حياتي ربنا يسامحني ويغفرلي اخطائى بيها ربنا كريم اوي بس احنا اللي وحشين وحشين اوي...
بس انت عملت اللي الاخوات مبيعملوش مع بعض..
متقولش كدا انا اصلا السبب في كل ده كفايه اني احاول اكفر عن ذنبي...
من ساعوها انا ومازن قربنا من بعض وبقي اخويا اللي مجابتوش امي وجوزته امل اختي مش هلاقيلها أحسن منه وبالذات بعد ماعمرو طلع مدمن مخدرات للاسف واتخدعنا فيه وانا ومازن اشتغلنا علي نفسنا وبدات ثقه مديري ترجع تاني ومازن اشتغل معايا بعدنا عن كل حاجه حرام والتزمنا في الصلاه ورجعنا لربنا ياه كان واحشني اوي اني اصلي...كل ده وامي متعرفش ولا اي حد فضل السر مدفون بيني وبين مازن وبس واخيرا بعد سنتين الجروح بدات تتلاشي ساعتها اتجوزت وخلفت بنت سميتها ندي مش هقولكم الخياه بقت ورديه لأن عالم الجن ده بيسيب أثر كبير اوي في النفس وجرح شديد مش بيتنسي...الغريب واللي خلاني كتبت القصه دي هي ان زوجتي في الفتره الاخيره لاقيتها بتقصر في الصلاه وبعدت عن ربتا...بس المصيبه الاكبر دلوقتي إن امبارح بنتي لاقيتها بتتكلم مع صاحبتها الوهميه بقولها بتكلمي مين ياندي ؟
دي صاحبتي اسمها اي صاحبتك دي...
اسمها سيلينا يابابا...هي قالتلي انها كانت صاحبتك زمان قبل ماتعرف ماما!!!
ساعتها فهمت كلمه هقابلك عند العتبه الجديده وتقصير مراتي وتغيرها المفاجئ ادعولي.....تمت